Partia Demokratike e Kosovës (PDK) është ndër partitë që akuzohet më së shumti nga deputetët se krimi është shtylla e saj kryesore.
Mirëpo, ajo ka kohë që ka nisur një fushatë të re me slogain “Dekada e Re”, derisa kryetari i saj, Kadri Veseli, ka liruar nga detyra personat brenda partisë që kanë problem me ligjin.
Por nuk përjashtohet fakti se disa nga kryesuesit dhe anëtarët e saj janë të akuzuar për krime të ndryshme dhe enden nëpër Gjykata.
Ish-kryetari i Skenderajt njëherësh edhe anëtari i PDK-së, Sami Lushtaku ishte i akuzuar për dy vepra penale “shtytje për keqpërdorim të pozitës zyrtare ose të autorizimit”, me ç’rast është shpallur i pafajshëm dhe “arratisje nga QKUK-ja”, gjatë kohës që ndodhej në paraburgim për rastin ‘Drenica’.
Po ashtu edhe ish-kryetari i degës së PDK-së në Klinë, Sokol Bashota, i cili në 2017 kishte humbur postin e kryetarit në Komunën e Klinës.
Bashota së bashku me tre persona të tjerë ishin akuzuar për kryerje të veprës penale “Keqpërdorimi i pozitës ose autoritetit zyrtar”. Mirëpo që të katër u deklaruan të pafajshëm.
Një tjetër kryetar dege i PDK-së që ka problem me ligjin është, Qemajl Mustafa.
Mustafa kishte mbajtur postin e kryetarit të Komunës së Gjilanit për dy mandate, deri në 2013, kur në krye të Gjilanit ishte rikthyer Lutfi Haziri i LDK-së.
Mustafa akuzohet për kurdisje të tenderëve gjatë kohës së ushtrimit të detyrës si kryetar i Komune./Insajderi/.
