Kusari-Lila mohon se Pacolli harxhoi miliona euro në fushatën e saj
Kryetarja e Komunës së Gjakovë, Mimoza Kusari-Lila, ka mohuar deklaratat e lideri të AKR-së, Behgjet Pacolli për milionat e shpenzuara në fushatën zgjedhore të saj, duke thënë se janë shpenzuar vetëm ato që janë publike në KQZ.
Kursari-Lila duke komentuar deklaratat e Pacollit se ka shpenzuar miliona euro duke përkrahur Mimoza Kusari-Lilën në fushatën zgjedhore, ka thënë se asgjë më shumë se ato që janë publike në KQZ, nuk ka shpenzuar.
Ajo në një intervistë për RTK-në, ka sqaruar për subjektin e ri që synojnë ta themelojnë, bashkë me Ilir Dedën, duke thënë se alternativa e re do të ketë një komunikim ndryshe për punët që janë.
Lexo edheMision i pamundur i Kadri Veselit
“Do të komunikojmë drejt dhe në mënyrë të hapur me qytetarët, dhe jo siç praktikohet në Kosovë në mënyrë burokratike”, ka thënë ajo.
Kurse, lidhur me atë se a do ta drejtojë Kuasri-Lila, këtë alternativë, mbetet temë e hapur pas konsolidimit të iniciativës, megjithatë ajo nuk ka mohuar se një gjë e tillë mund të ndodhë.
