Liderët shtetërorë, gjatë së martës, kanë marrë pjesë në përkujtimin e Masakrës së Rrezallës së Skenderajt, ku u përkujtuan 98 të vrarë nga forcat serbe në vitin 1999.
Kryeministri, Albin Kurti, kërkoi drejtësi për viktimat, e po ashtu tha se gjenocidi i Serbisë njihet botërisht. Në ngjarjet e organizuara në kujtim të asaj dite mori pjesë edhe kryeparlamentari, Glauk Konjufca, njofton KlanKosova.tv.
Ndërkaq, kreu lokal, Fadil Nura, bëri thirrje për unitet kundrejt Serbisë dhe shtoi se kriminelët që kryen masakrën dihen me emër e mbiemër.
