Kryeministri i Kosovës, Albin Kurti, ka zhvilluar të mërkurën një bisedë telefonike me të Dërguarën e Posaçme të Mbretërisë së Bashkuar për Ballkanin Perëndimor, Dame Karen Pierce.
Sipas njoftimit të Zyrës së Kryeministrit, gjatë bisedës, Pierce ka përcjellë urimet e Qeverisë britanike dhe të kryeministrit Andy Burnham për zgjedhjen e Presidentes së Kosovës dhe funksionalizimin e plotë të institucioneve të vendit.
Ajo gjithashtu ka shprehur përkrahjen e vazhdueshme të Mbretërisë së Bashkuar për Kosovën, përparimin e saj demokratik dhe proceset politike e zhvillimore.
Ndërkaq, Kurti e ka falënderuar Pierce për urimet, duke shprehur gatishmërinë për vazhdimin e bashkëpunimit me Qeverinë britanike dhe zhvillimin e partneriteteve të reja strategjike.
