Kupa e Kosovës po shkon drejt fazës finale me skuadrat që synojnë përmes kësaj gare daljen në arenën ndërkombëtare.
Gjashtë skuadra çerekfinaliste do të kërkojnë një biletë për në gjysmëfinale, për t’ju bashkangjitur Kf Drenicës e cila me short ka kaluar direkt ne gjysëmfinale. Federata e Futbollit të Kosovës tanimë ka caktuar edhe terminin për ndeshjet e Kupës së Kosovës.
Kësisoj ndeshje e parë në çerekfinale do të zhvillohet në qytetin e Gjilanit më 6 mars ku Drita do të jetë nikoqire e Vëllaznimit nga Gjakova. Ditën e mërkure me datën 7 mars do të luhen dy ndeshje tjera tejet interesante. Gjilani do të jetë nikoqir i skuadrës së vetme nga Liga e Parë, Vushtrrisë. Ndërkohë një “finale” e parakohshme do të zhvillohet në stadiumin ‘Zahir Pajaziti’, në Podujevë ku Llapi është nikoqirë i Prishtinës.
Edhe ndeshjet çerekfinale do të zhvillohen vetëm nga një takim, ndërsa në rast barazimi do të ketë lojë shtesë.
Të gjitha ndeshjet do të zhvillohen me fillim nga ora 13:00.
