Don Agani, banor në lagjen Bregu i Diellit në Prishtinë, ka treguar përmes një postimi në rrjetin social Facebook se dje është goditur nga rryma elektrike që kishte ardhur nga një shtyllë e dritave në atë lagje.
Ai përpos tjerash paralajmëroi se do të padisë Komunën e Prishtinës dhe kompaninë e kontraktuar për mirëmbajtjen e shtyllave.
“Për banorët e Bregut të Diellit: Kjo skenë/foto është prej natës së kalume, kur tu e shëtit qenin në mëhallë, në këtë parkun, tu e kapërcy gardhin më është shkarku një sasi e madhe e elektricitetit prej shtyllës të dritave (fuqia hyrëse 220 V) për 10 sekonda, mandej me ka gjuajtë diku rreth 1 metër larg. Ju kisha lute me pas shumë kujdes rreth shtyllave të dritave të instaluara në kohët e fundit. Për Komunën dhe kompaninë e kontraktuar: Shihemi në gjykatë…”, ka shkruar Agani në profilin e tij, post ky që u shpërnda nga banorë të Prishtinës tutje.
- Advertisement -
