Kadri Kryeziu, ish-gjykatës në Gjykatën Kushtetuese të Kosovës, ka dhënë një propozim konkret për hapat që duhet të ndërmerren pas situatës së krijuar me konstituimin e Kuvendit dhe çështjen e mandatarit për formimin e Qeverisë.
Në një postim publik, Kryeziu ka theksuar se që në orën 9 të mëngjesit të nesërm, Lëvizja Vetëvendosje duhet ta dorëzojë te Presidentja emrin e mandatarit për formimin e Qeverisë së re, transmeton lajmi.net.
Më tej, ai shton se menjëherë pas kësaj, Presidentja duhet t’i drejtohet Gjykatës Kushtetuese, me dy kërkesa të rëndësishme:
-
Vendosja e masës së përkohshme për ngrirjen e afatit 30-ditor për konstituimin e Kuvendit, në mënyrë që të shmanget ndonjë përshkallëzim institucional derisa të sqarohet situata.
-
Kërkesa për sqarim mbi përfundimin e konstituimit të Kuvendit, përkatësisht nëse ai konsiderohet i përfunduar me zgjedhjen e kryetarit dhe të gjithë pesë nënkryetarëve, apo me zgjedhjen e atyre që mjaftojnë për të pasur kuorum të ligjshëm në Kryesi.
Sipas Kryeziut, një vendim i ri i Gjykatës Kushtetuese në këtë drejtim nuk do të shërbejë vetëm për zgjidhjen e kësaj krize aktuale, por edhe si udhërrëfyes për raste të ngjashme në të ardhmen.
“Kështu përfundon kjo histori, por ky Aktgjykim do të shërbejë edhe si udhërrëfyes për të ardhmen. Nuk ka rrugë tjetër racionale”, shkruan ai.
Komenti i Kryeziut vjen në një moment kur në vend është shtuar pasiguria për hapat e mëtejmë institucionalë pas zgjedhjes së Kryetarit të Kuvendit dhe mospërfshirjes së përfaqësuesve të komunitetit serb në Kryesi.
Postimi i plotë:
