Kryetari i Komunës së Skenderajt, Bekim Jashari, sot ka pritur në një takim miqësor Kolonel Ettore Gagliardi nga Kfori Italian, me të cilin biseduan për problemet dhe sfidat që përballen qytetarët e Skenderajt.
Poashtu Kryetari Jashari e njoftoi edhe për prioritetet zhvillimore të Skenderajt, si dhe zhvillimet e përgjithshme komunale.
Gjithashtu Kryetari Jashari e nderoi me një dhuratë simbolike, për të cilën Kolonel Gagliardi shprehu falënderim.
Pas vizitës në zyrën e Kryetarit, vazhduan për në vizitë te sheshi i qytetit dhe pastaj vizituan Kompleksin Memorial “Adem Jashari” në Prekaz, ku u njoftua nga afër për luftën dhe rezistencën heroike të Familjes emblematike Jashari dhe Ushtrisë Çlirimitare të Kosovës.
- Advertisement -
