Kryeministri Avdullah Hoti ka caktuar në pozitën e zyrtarit kryesor të Financave në Telekomin e Kosovës, njeriun e tij, Agim Matoshi, i afërt me LDK-në.
Pas dorëheqjes së Feim Kelmemdit, kryeministri Hoti përmes Bordit të Drejtorëve të Telekomit të Kosovës, ka përdorur gjithë autoritetin e tij për të emëruar në krye të financave në këtë kompani nje përkrahës së LDK-së, Agim Matoshin.
Megjithë shqetësimet e ngritura sot nga kryeministri Hoti për zhvillimet e fundit në Telekom, ai ka shfrytëzuar këtë situatë për të vënë në pozitën e dytë kryesore të kësaj kompanie një person i afërt me LDK-në.
Qeveria e Republikës së Kosovës, në krye me kryeministrin Avdullah Hoti, ka emëruar bordin e përkohshëm të drejtorëve të Telekomit në korrik të këtij viti.
Qeveria Hoti kishte emëruar kryesues të bordit, Mehmet Berishën, ndërsa anëtarët e bordit janë: Kushtrim Krasniqi, Teki Shala dhe Blerim Shehu.
- Advertisement -
