Koreja e Jugut sot raportoi vetëm tetë raste të reja me koronavirus, pasi rritja ditore e vendit ra në një-shifrore për herë të parë në dy muaj.
Kombi i Azisë Lindore ka konfirmuar tani 10.661 raste të diagnostikuara me virus, i cili ka vrarë 234 njerëz në Korenë e Jugut, shkruan Daily Mail, transmeton lajmi.net.
Ndërkaq, 8.042 pacientë të tjerë janë rikuperuar dhe janë liruar nga karantina, tha Qendra e Koresë për Kontrollin dhe Parandalimin e Sëmundjeve, ndërsa 12.243 të tjerë ishin duke iu nënshtruar testimeve për Covid-19.
“Ne nuk duhet ta humbim fokusin derisa të shërohet pacienti i fundit i konfirmuar,” tha presidenti i Koresë së Jugut, Moon Jae-in.
Rastet në Korenë e Jugut kanë rënë javët e fundit, pasi vendi regjistroi qindra raste të reja çdo ditë në periudhën shkurt-mars.
Numri i përgjithshëm i rasteve në vend tani është 11.073, me 174 vdekje të konfirmuara. /Lajmi.net/
- Advertisement -
