Nënkryetari dhe shefi i shtabit zgjedhor të LDK-së lutfi Haziri në një dalje për mediat ka folur mbi zhvillimet e fundit rreth koalicionit LDK-LVV.
Haziri ka thënë që po punohet intensivisht për një marrëveshje por pa definuar zyrtarisht diçka.
“Po punohet nga kryetarët e të dy partive për arritjen e një marrëveshjeje parazgjedhore dhe ky është vullnet i LDK-së. Në vetë fatin që ka takime në dy nivele, edhe në nivel politik edhe në nivel të grupeve punuese tregon që në politika sektoriale i kemi definu dhe jemi pajtu. Ne jemi duke punu në politika kadrovike, LDK-ja e ka kandidatin për kryeministër që duam ta bëjmë kryeministre të Kosovës dhe ato e kanë liderin e tyre. Ne po punojmë me u bashku, besoj që bashkimi po ndodh” ka thënë Haziri.
Gjatë ditës së sotme ka patur një takim mes kryetarit të LDK Isa Mustafa dhe liderit të VV-së Albin Kurti i cili ka zgjatur vetëm pak minuta.
