Komuna e Skenderajt po realizon projekte të rëndësishme për banorët e fshatit Runik.
Përveç asfaltimit të rrugëve në lagjet Sejdiu e Miftari, Komuna e Skenderajt po vazhdon edhe realizimin e projektit të kanalizimit fekal në këtë fshat, transmeton DRENICA PRESS.
Në Runik sot ka filluar edhe ndërtimi i rrugëve në Lagjen e Re të këtij fshati. Më qëllim të inspektimit të punimeve që po vazhdojnë në projektin e kanalizimit dhe atyre që kanë filluar në ndërtimin e rrugëve të Lagjes së Re, në Runik sot ka qëndruar Nënkryetari i Komunës së Skenderajt Fadil Nura me bashkëpunëtorë.
Nënkryetari Nura ka siguruar banorët e Runikut se punimet që po realizon në projekte e Runikut po monitorohen sistematikisht më qëllim të sigurimit të cilësisë.
Ai ka thënë se Komuna e Skenderajt po investon fuqishëm në projekte të rëndësishme infrastrukturore në Runik dhe ky lokalitet po modernizohet shumë shpejt.
