Shkëndija e fitoi sonte Kupën e Maqedonisë duke e kompletuar një sezon të jashtëzakonshëm, në të cilin e fitoi edhe titullin e kampionit, shkruan zeri.info.
Kuqezinjtë e mposhtën Pelisterin në finale me rezultat 3:0 falë dy golave të Visar Musliut dhe një të Besart Ibraimit, për ta fituar trofeun e dytë sezonal.
I pranishëm në ndeshje dhe në festën e ekipit tetovar ishte edhe presidenti i FC Prishtina, Remzi Ejupi.
Në videon e mëposhtme mund ta shihni festën e klubit tetovar, që është bërë shembull për klubet tjera shqiptare, por edhe të rajonit, sidomos në periudhën kur atë e mori në dorë kompania “Ecolog” me pronar Lazim Destanin. /Zëri/
- Advertisement -
