Prokuroria Themelore në Pejë, në bashkëpunim me Drejtorinë e Hetimeve Rajonale dhe atë të Krimit të Organizuar në Prishtinë, ka realizuar sot një aksion të gjerë policor, ku janë arrestuar katër persona.
Sipas zëdhënësit të prokurorisë, Shkodran Nikçi, tre nga të arrestuarit dyshohen për veprën penale “Detyrimi”, ndërsa një tjetër për “armëmbajtje pa leje”. Të gjithë janë kapur në flagrancë dhe janë ndaluar për 48 orë me urdhër të prokurorit.
Burime të Indeksonline bëjnë të ditur emrat e dy prej tyre, Luigj Shala dhe Isa Berisha, ndërsa për të tjerët hetimet vazhdojnë. Autoritetet kanë paralajmëruar se do të ndërmerren veprime të tjera ligjore në vijim.
- Advertisement -
