Policia e Elbasanit gjatë ditës së djeshme ka referuar materialet në Prokurorinë e Rrethit Gjyqësor për dy kosovarë, pasi të njëjtit në dy raste të ndara gjatë ndeshjes futbollistike Shqipëri-Izrael brenda stadionit u kapen me lëndë narkotike, raporton Indeksonline.
Policia e Shtetit për rastin e parë thotë se më datë 13 nëntor 2016, u referuan materialet në Prokurorinë e Rrethit Gjyqësor Elbasan, për shtetasin V.H vjeç 24, banues në Prizren, Kosovë, pasi dyshohet se më datë 12 nëntor 2016, në stadiumin “Elbasan Arena”, ju gjet e bllokua me cilësinë e provës materiale 1.5 gr. lëndë narkotike e llojit Cannabis Sattiva. Neni 283 i Kodit Penal.
Ndërsa për rastin e dytë sipas policisë, më datë 13 nëntor 2016, u referuan materialet në Prokurorinë e Rrethit Gjyqësor Elbasan, për shtetasin Dh.SH vjeç 36, banues në Gjakovë, Kosovë, pasi dyshohet se më datë 12 nëntor 2016, në stadiumin “Elbasan Arena”, ju gjet e bllokua me cilësinë e provës materiale 0.5 gr. lëndë narkotike e llojit Cannabis Sattiva. Neni 283 i Kodit Penal.
