Bekim Haxhiu-Kamishi, kandidat për deputet nga radhët e PAN ka arritur të bëhet deputet për legjislaturën e re të Kuvendit, për të tretën herë radhazi, shkruan Drenicapress.
Këtë e ka bërë të ditur vetë Kamishi në llogarinë e tij në Facebook.
Të nderuar qytetarë!
Faleminderit që vlersuat punën time në dy mandate dhe më dhatë besimin tuaj që t’ju përfaqësoj në mandatin e tretë në Kuvendin e Republikës së Kosovës.
Ju falenderoj nga zemra për besimin e dhënë dhe ju premtoj që do të vazhdoj të jem Zëri i Juaj për adresimin e të gjitha problemeve dhe shqetësimeve tuaja.
Jam i vetëdijshëm se kemi shumë punë për të bërë në shtetndertimin e Kosovës, me vullnet dhe angazhim do t’ja arrijmë.
Faleminderit ju qytetarë të Drenicës, Skenderajt e Drenasit, Mitrovicës , Vushtrrisë që me përqindje të lartë më dhatë besimin, por edhe qytetarëve nga Prishtina, Ferizaj, Shtimja, Istogu, Gjakova… anekënd Kosovës që më votuat, që vazhdoni të besoni në mua dhe Partinë Demokratike të Kosovës.
Gjithë energjinë time do ta shpenzojë duke punuar për të miren e vendit tonë, për një Kosovë të zhvilluar ekonomikisht.
Përkrahja juaj me obligon edhe më shumë në angazhimin tim.
Ju jam shumë mirënjohës për besimin, për votën dhe ju falenderoj përzemërsisht!
