Partisë Demokratike të Kosovës i është bashkuar sot gazetarja Arbana Xharra. Ajo aderimin e saj e konfirmoi përmes një konference për media ku ndër tjerash edhe tregoi arsyet që e bënë t’i bashkohej partisë më të madhe në vend, PDK-së.
Fjalën e ka marrë i pari i PDK-së, Kadri Veseli, i cili e lartësoi punën e saj si gazetare.
“Si kryetar i PDK-së e kam ndjekur punën e Arbanës si gazetare, para se ta takoja atë.
Ajo nuk është vetëm një fituese e një çmimi ndërkombëtar për gazetari, por ajo është edhe një menaxhere e sukseshme.
E kam ftuar Arbanën që të ndajë me ne përkushtimin e saj”, u shpreh Veseli.
