Ministrja për Integrim Evropian në Serbi, Jadranka Joksimoviq ka thënë se anëtarësimi i Serbisë në Bashkimin Evropian nuk do të kushtëzohet me kushtin njohjën e Kosovës.
Ajo ka thënë se nuk ka dilemë që Serbia para Kosovës do të arrijë të anëtarësohet në BE, shkruan Indeksonline.
“Dhe për të njohur një Kosovë të pavarur nesër, e cila sigurisht nuk do të bëjmë, nuk mendoj se do të jemi automatikisht një anëtar i BE”, thotë ministrja për Eurointegrim, Jadranka Joksimoviç.
“Sigurisht që ne mund të bëhemi anëtarë të BE-së edhe pa e njohur Kosovën. Kjo është esenca e marrëveshjes për normalizim, nuk do të obligohemi ta njohim pavarësinë e Kosovës. Me siguri do të ketë kompromise të shumta, por me kusht që Kosova ta formoi bashkësinë e komunave me shumicë serbe”, ka shtuar Joksimoviq për RTS.
Këto komente vijnë pas deklaratës së presidentit të Serbisë, Aleksandar Vuçiq, i cili është shprehur se BE-ja do të kërkojë nga Serbia nënshkrimin e dokumentit të obligueshëm juridik për normalizimin e raporteve Beograd – Prishtinë.
