Ish-zëdhënësi i UÇK-së, Jakup Krasniqi sot mbush 70 vjet, e këtë ditë të veçantë ai sot e pret larg familjes e atdheut të tij.
Por, një urim prekës për këtë ditë të veçantë, ia bëri vajza e tij, Gresa e cila thotë se vazhdimisht po i ndjenë hapat e tij në shtëpi, zërin dhe përqafimet e tij.
“Babi në ditëlindjen tënde të 70 gjendesh larg, por të ndjejm kaq afer në gjithçka që na rrethon. Ne dhomën e ndejës ndjejm zërin tënd, ndjejm perqafimet tua që shumë herë na mungojnë. Ndjejm hapat tu të lehtë kur ecje nepër shtëpi. Ndjejm dashurinë tënde, ndjejm ndjenjen e lumturis që perçoje sa her ktheheshe nga puna. Ndjejm buzeqëshjen tënde të lehtë dhe kjo na mbanë të fort”, ka shkruar e bija e Jakup Krasniqit.
Gresa tutje ka shkruar se babai i saj në ditëlindjen e 70 po i dhuron Kosovës shumëçka, duke e falëndëruar atë.
“Babi, në 70 vjetorin e lindjës duam të falenderojm për lirinë që sot gëzojm. Urime ditëlindjen Babi rrofsh sa malet e Shqipërise ”, ishte urimi i së bijës për babain e saj në Hagë.
Në fund Gresë Krasniqi ua ka uruar të gjithëve festën e Vitit të Ri.
“Familjarë, miq dhe të dashur Shqiptarë gëzuar vitin e ri ”. Kundër ish-zëdhënësit të UÇK-së, Jakup Krasniqit është konfirmuar aktakuza për krime lufte dhe krime kundër njerëzimit. Ai aktualisht gjenden në paraburgim në Hagë dhe është deklaruar i pafajshëm.
