Prishtina synon të arrijë rezultat pozitiv në ndeshjen e kthimit kundër skuadrës FC Europa nga Gjibraltari dhe të sigurojë kualifikimin në rrethin e dytë të garave të Ligës së Evropës, në të cilën do të takohet me skuadrën nga Luksemburgu, Fola Esch.
Për ndeshjen e nesërme kundër FC Europa pritet të ketë edhe interesim të madh, ndërsa tashmë dihen edhe çmimet e biletave.
Tribuna jugore është e rezervuar për “Plisat”, hyrja në perëndim do të kushtojë 5 euro, ndërsa në lindje 3 euro.
Zyrtarët e Prishtinës u bëjnë apel të gjithë dashamirëve të futbollit që nesër të jenë në numër sa më të madh në stadiumin “Adem Jashari” për ta përkrahur skuadrën me synimin për të arritur suksesin historik.
Ndeshja ndërmjet Prishtinës dhe FC Europa fillon në orën 19:00, ndërsa dyert e stadiumit do të hapen në orën 17:00.
- Advertisement -
