Dy ardhje të reja janë premtuar gjatë ditës së sotme nga drejtuesit e Federatës së Futbollit të Kosovës në muajin nëntor.
Mediat në vend kanë filluar menjëherë hulumtimet, teksa mediumi Olle, raporton se bëhet fjalë për futbollistët Elvis Rexhbeçaj dhe Leon Dajaku.
Rexhbecaj: Luan te skuadra e Bundesligës gjermane, Wolfsburg.
Pozita e tij është mesfushor defanziv ndërsa aktualisht vlen rreth 8 milionë euro.
21 vjeçari pritet të jetë goditje e madhe e Kosovës për duelet ndaj Çekisë dhe Anglisë.
Dajaku: 18 vjeçari, luan në tri pozitat e mesfushës ofanzive.
Aktualisht është pjesë e Bayern Munchen II, ku po shkëlqen me paraqitjet e tij.
Futbollisti me prejardhje nga rajoni i Drenicës pritet të jetë poashtu një goditje e madhe te Kosova në repartin ofanziv.
