Kryeministri serb Aleksandar Vuçiq tha sot se rreth çështjes së formimit të ushtrisë së Kosovës pret ndihmë nga BE-ja, SHBA-të, Rusia, duke shtuar se këto janë gjëra shumë të mëdha që dikush të luajë me to.
Vuçiq tha në një konferencë për shtyp në Kopaonik, kur u pyet rreth bisedës telefonike që pati një ditë më parë me presidentin e Kosovës, Hashim Thaçi, se ata nuk janë pajtuar për çështjet kyçe, sidomos në formimin e ushtrisë Kosovës, e cila, sipas tij do të” ishte një shkelje e Rezolutës 1244, por edhe në kundërshtim me Kushtetutën e Kosovës”, raporton “Tanjug”, përcjellë Klan Kosova.
