Asdren Hoxha, avokati i Ramadan Selimit, vëllaut të deputetit Rexhep Selimit, ka sqaruar se si erdhi deri te arrestimi i klientit të tij.
Ai ka thënë se bëhet fjalë vetëm për një kundërvajtje shkaku i kaosit në komunikacion që ka mbizotëru sot në Prishtinë që ka pasur vetura shumë dhe një kolonë e gjatë është krijuar në qytet.
Sipas tij, policia pa asnjë arsye ka kërkuar prej vëllait të deputetit të shoqërojë në stacion policor, edhe pse ka qenë me bashkëshorten e vet në veturë.
“Ramadani i ka zbatu urdhrat e policisë edhe ka vazhdu për në stacionin policor dhe aty tani ka filluar një brutalitet i policisë ndaj tij edhe i njëjti ka edhe lëndime trupore. Personi në fjalë fare nuk e ka sulmuar policinë as nuk e ka grushtu vetëm sa është mbrojtur, demantojmë se ai as nuk është arrestuar, as ndaluar por vetëm është mbrojt”, ka thënë avokati i Selimit për Indeksonline.
