Oborri i palestrës së qytetit në Lipjan u mbush mbrëmë me të rinj, ku kandidati për kryetar të komunës, Imri Ahmeti, falënderoi Forumin e Rinisë për angazhimin dhe përkushtimin e treguar.
Ai theksoi se energjia e rinisë është ajo që po e shndërron përkushtimin e tyre në vepra konkrete për Lipjanin.
“Më 12 tetor, zëri i rinisë do të jetë vendimtar. Bashkë do të vazhdojmë ta ndërtojmë një Lipjan ku çdo i ri ka arsye të qëndrojë, të punojë dhe të ëndërrojë”, tha Ahmeti.
Duke vlerësuar të rinjtë si motivin kryesor për të vazhduar me forcë e përgjegjësi drejt zhvillimit, Ahmeti shtoi se rinia e Lipjanit beson në punë dhe jo në propagandë, duke e quajtur atë krenarinë e qytetit.
- Advertisement -
