Dy grupe të armatosura qëruan sot hesapet në qendër të Prishtinës.
Ngjarja ndodhi në rrugën “Nazmi Gafurri” teksa nga Policia e Kosovës kanë thënë se nuk është raportuar për të lënduar.
Dëshmitarët e ngjarjes kanë treguar për lajmi.net për gjuajtjen me armë.
I.G, ka thënë se gjithçka ka ndodhur brenda një lokali të një flokëtari.
Ai rrëfen se si i dyshuari ka hyrë me armë në lokal, nga ku janë dëgjuar disa të shtëna, teksa kishte vrapuar për të parë se çfarë kishte ndodhur aty.
“Ka ndodhur një gjuajtje me armë. Ka hi një njeri mu qeth te berberi dhe përnjëherë ka gjujtë me armë. Unë jom kanë në trotuar e kom pa veç kur ka kërsit revolja disa herë . Kom vrapu se e kom kojshi këtë berberin. E kom pa edhe ata ka dalë me revole dhe është lëshu rrugës teposhtë. Për fat ata kanë hy në banjo, i pieta a jeni gjallë më thanë që po”, ka rrëfyer I.G.
Ndërkaq, nga Policia e Kosovës kanë thënë se bazuar në të dhënat e para dyshohet se deri tek gjuajtja me armë ka ardhur pas konfliktit të dy grupeve të armatosura që kanë vazhduar konfliktin edhe nga automjetet në lëvizje.
