Shefi i GP të LDK-së, Avdullah Hoti në fjalën e tij në Kuvendin e Kosovës në seancën e jashtëzakonshme për demarkacionin, ka thënë se partia e tij e mbështetë ratifikimin, duke shtuar se Qeveria e Kosovës duhet të japë dorëheqje menjëherë pas ratifikimit të kësaj marrëveshjeje.
Hoti, me ironi tha se i vjen mirë që seanca e sotme po mbahet në një ambient pa gaz lotsjellës e sulme ndaj kryeministrit, siç kishte ndodhur gjatë legjislaturës së kaluar.
Ai tha se ishte pikërisht kryeministri Haradinaj ai që sulmonte në protestën kundër marrëveshjes, por sot po e voton edhe vet.
“Seanca e sotme do të zhvillohet pa gaz lotsjhellës dhe sulm ndaj kryeminsitrit. Njëri që nxiste dhunë dikur ndaj kryeministrit, ishte pikërisht kryemuinistri i vetëm. Ne nuk do ta sulmojmë kryeministrin edhe pse kemi të drejtë ta bëjmë këtë. LDK i gëzohet faktit që sot nuk po bëhet gaz i botës. Ratifkimi i kësaj marrëveshje është votë pro BE. Do të jemi këtu bashkë me juve, ta sjellim edhe njëherë këtë marrëveshje nëse ka vota të reja”, tha Hoti. /Periskopi/
