Banorë të Hoqës së Madhe të Rahovecit janë duke protestuar kundër fushatës së Serbisë në Kosovë. Ata që nga ora 07:30 kanë dalë në protestë në Hoqë të Madhe, ku kanë bllokuar rrugën për të mos e lënë autobusin me banorë serbë të kalojë andej.
Autobusi parashihet të shkojë në Leposaviq për të pritur politikanët serbë, raporton Indeksonline.
Sipas banorëve të Hoqës së Madhe të cilët i kanë dërguar informata redaksisë se ndonëse Policia e Kosovës me disa përfaqësues serbë të Hoqës së Madhe, kanë kërkuar që të lirohet rruga, por banorët nuk janë bindur.
Ata janë të vendosur që të mos e lejojnë autobusin të kalojë, deri sa bëhet e ditur se veturat e banorëve lejohet të kalojnë rrugën pa problem.
Ndryshe, dje kryeministrit serb Aleksandër Vuçiq, Qeveria e Kosovës i ka lejuar ta vizitojë Kosovën për tri orë, por këtë Vuçiq e ka quajtur “cirk” dhe e ka anuluar vizitën, por pritet që të vijë një delegacion nga partia e tij.
