Rreth 30 ushtarë të FSK-së, kanë kërkuar ndihmë mjekësore mbrëmjen e së premtes pasi dyshohet se janë hhelmuar nga ushqimi.
Magazina.al, nga burime brenda Kazermës “Minatori” në Mitrovicë, ka mësuar se të premten e kaluar, rreth orës 23:00, 30 pjestarë të FSK-së, kanë kërkuar ndihmë mjekësore në Spitalin e Mitrovicës, pasi dyshohet se janë helmuar nga ushqimi në Kazermë.
Por të kontaktuar nga Magazina.al, spitali në Mitrovicë ka mohuar se ka trajtuar pjestarë të FSK-së.
Nita Mustafa, zyrtare për informim në Spitalin e Përgjithshëm në Mitrovicë, për Magazina.al tha se nuk është trajtuar një rast i tillë në Spitalin e Mitrovicës.
Në anën tjetër, burimet tona kanë treguar për kushtet e rënda higjenike në kuzhinen e kazermës “Minatori”, ku shpeshëherë në ushqime kanë gjetur insekte.
Magazina.al ka kontaktuar edhe Ministrinë e FSK-së për këtë qështje por deri tani nuk kanë kthyer ndonjë përgjigje./Magazina.al/
