Presidenti i Kosovës, Hashim Thaçi e ka përshëndetur emërimin e Mathew Palmer, si i dërguari i posaçëm i Amerikës për Ballkan, transmeton Gazeta Metro.
Hashim Thaçi duket se i është gëzuar emërimit të Palmer nga Diplomacia Amerikane.
“Emërimi i Mathew Palmer, tregon për një angazhim më të madh dhe më të veçantë të SHBA’ve në Ballkan dhe përpjekjeve të tyre për integrim euro-atlantik”, ka thënë Thaçi.
Analistë amerikanë emërimin e Palmer e kanë komentuar se si tendencë për arritje të shpejtë të një marrëveshje në mes Kosovës dhe Serbisë, e cila nuk parasheh ‘vija të kuqe’ dhe lejon edhe korrigjimin e kufijve si skenar për arritjen e njohjes nga Serbia, gjë të cilën presidenti Thaçi e ka proklamuar tash e një vit. /gazetametro.net
- Advertisement -
