Shoqata e personave me aftësi të kufizuar “Handikos”i në Skenderaj, gjatë ditës së sotme kanë refuzuar të takojnë një parti politike, shkruan Drenica Press.
Handikos në Skenderaj lidhur me këtë thotë se: “Sot, refuzuam ftesën e një partie politike për takim. Ashtu, do të vazhdojmë deri më 6 tetor. Zyra jonë do të jetë e mbyllur për parti dhe kandidatë për deputetë deri më 6 tetor. Pas kësaj date, zyra jonë do të jetë e hapur për të gjitha ata që dëshirojnë bashkëpunim për të mirën e komunitetit.
Refuzimi ynë nuk është luftë ndaj askujt, por thjesht, nuk duam që çështja e aftësisë se kufizuar të përdoret për poenë politikë. Gjendja e personave me aftësi të kufizuara është si mos më keq. Kjo nuk është si rezultati i luftës së ndonjë agjenture të huaj, por si rezultat i atyre që katër vite na harrojnë dhe një muaj fushatë na premtojnë utopinë.
Politikanë e parti politike, shihemi pas datës 6 tetor!”
