Grupi i tifozërisë së qytetit të Mitrovicës, “Torcida”, ka ndërmarrë sot një aksion për pastrimin e shetitorës Key, tek Ura kryesore e lumit Ibër.
Përmes një statusi në Facebook thuhet se senzibilizimi i aksionit të sotëm duhet të vazhdojë, ashtu siç po vazhdojnë raportimet e qytetarëve për krijimin e deponive ilegale.
“Raportimi dhe ofrimi i shërbimeve publike është çështje e autoriteteve përkatëse, pasi që paguhen me taksat tona, por vullnetarizmi i qytetarëve i tejkalon premisat e vendosura nga autoritetet dhe legjitimitetin e tyre”, thuhet në njoftim./Indeksonline/
- Advertisement -
