Një grua iu drejtua për ndihmë njerëzve në TikTok kur gjeti rastësisht një “UFO” në kopshtin e saj.
Sipas medieve të huaja, përcjell Telegrafi, Ally Murray, nga Flagstaff, Arizona të SHBA-së, tërhoqi vëmendjen e ‘teoricienëve të komplotit’ kur pyeti njerëzit nëse ata e njihnin objektin në formë disku që qëndronte në oborrin e saj.
Në videon e parë që është shikuar më shumë se 2.5 milionë herë, Ally qëndron në një ambient që duket si pyll, teksa tregon objektin.
“Nëse kemi këtu njerëz të teorive të komplotit në TikTok, mendoj se do të ishte i interesuar për UFO-në që sapo gjeta në oborrin tim”, ka thënë ajo.
Në një video të përditësuar, ajo i jep një vështrim më të afërt objektit me formë disku.
“E di që nuk është një UFo, por më pare do të supozoja se është një UFO se sa një satelit, kështu që jepni mendimet tuaja”, ka thënë Murray.
Ajo më pas tregon pjesën e brendshme të diskut që është i mbushur me gurë dhe ujë.
