Policia e ka ndaluar romen Z.S dhe ka konstatuar se e njëjta nuk paraqet rrezik prandaj e ka liruar, raporton T7
Prezenca e saj ne qytet kishte shkaktuar panik.
Përmes disa fotografive të shpërndara nëpër rrjetet sociale, bëhej thirrje të kenë kujdes nga kjo grua.
Sipas tyre, ajo i takon një rrjeti hajdutesh që merret me kidnapimin e fëmijëve.
Paniku më i madhe ishte krijuar në Malishevë, atje ku është parë edhe kjo grua me origjinë nga Podujeva.
Madje, disa nënës tjerë thonë që kjo grua është parë edhe me armë në Malishevë
Por, ndryshe nga nxënësit, të rriturit që e kanë parë në Malishevë thonë që ajo nuk paraqet rrezik në këtë qytet.
Nga stacioni i autobusëve ku kjo grua ishte filmuar, thonë që nga monitorimi, nuk kanë vërejtur ndonjë aktivitet të dyshimtë.
E nga Komuna e Malishevës, thonë se kjo grua nuk banon në këtë qytet.
Pas shqetësimit të qytetarëve, një patrullë e policisë e kishte ndalur personin në fjalë dhe e kishte shoqëruar në polici për intervistim.
Por nuk kanë vërejtur se e njëjta ka kryer ndonjë vepër për të cilën ishte raportuar.
Ndërsa ajo gjatë intervistimit, me hetuesit policor kishte komunikuar vetëm në gjuhën gjermane.
Sipas policisë, kjo grua ishte intervistuar edhe në stacionin policor të Podujevës, dhe ka rezultuar që e njëjta nuk është person në kërkim policor. /Fidan Zejnullahu, T7
