Kompania amerikane Google, është zotuar të rrisë kushtet e sigurisë dhe kontrollit të informacionit online që ndihmon në përhapjen dhe nxitjen e ekstremizmit.
Sipas gjigandit teknologjik Google, informacioni që ka të bëjë me ekstremistët ka pasur katër herë më shumë klikime.
Google ka premtuar se do të ndjekë gjurmët e Facebook, duke vendosur inteligjencën artificiale për të zbuluar dhe shqyrtuar më shpejt të dhënat në lidhje me ekstremistët.
Për “YouTube”, që është pjesë e Google, kjo do të thotë nxitjen e zhvillimit të sistemit të automatizuar i cili zbulon videot që përmbajnë propagandë terroriste dhe personat që hyjnë në këtë faqe, do të identifikohen direkt nga sistemi, të dhëna të cilat do të raportohen për ati-terrorizmit.
“Google dhe YouTube janë të angazhuar të jenë pjesë e kësaj zgjidhjeje. Ne po bashkëpunojmë me qeverinë, me grupet e zbatimit të ligjit dhe shoqërisë civile për të trajtuar problemin e ekstremizmit të dhunshëm në internet. Nuk duhet të ketë vend për informacione terroriste në shërbimet tona”, shprehen zyrtarë të Google.
