Muharrem Berisha nga Gurbardhi i Malishevës i cili ishte raportuar si i zhdukur që nga data 24 qershor, sot është gjetur.
I moshuari nga Malisheva për shkak se vuante nga harresa, kishte dalë nga shtëpia dhe për disa ditë nuk dihej gjë për vendndodhjen e tij.
Por, njësitë përkatëse pas pesë ditësh kërkimi, kanë gjetur të gjallë 57 vjeçarin nga Gurbardhi, transmeton Indeksonline.
Mirëpo, sipas informacioneve të para, ai është gjetur në gjendje të rëndë shëndetësore.
Komuna e Malishevës nuk ka dhënë më shumë detaje për rastin.
