Deputetja e Partisë Demokratike të Kosovës, Ganimete Musliu, me të nisur vazhdimi i seancës së jashtëzakonshme në Kuvend, tha se Ramush Haradinajn e shpëtoi PDK-ja, pasi që, sipas saj, ishte për pak të binte në rrjetën e merimangës së Vetëvendosjes, transmeton Express.
Këtë deklarim ajo e tha gjatë vazhdimit të seancës së jashtëzakonshme në Kuvend, në momentin kur tha se nuk mundet ta pranojë që LDK-ja është bërë mekanizëm i Vetëvendosjes.
“E shoh në çdo fillim të seancës komunikimin e jashtëzakonshëm dhe të mirëfilltë të VV-së me LDK-në. Të gjitha i kisha pranuar si deputete e këtij Parlamenti por që Lidhja Demokratike e Kosovës do të bëhet mekanizëm i Vetëvendosjes këtë kurrë asnjëherë nuk e kisha pranu. Edhe Ramush Haradinaj gati ra në rrjetën e merimangës së LVV-së, por në atë kohë shkonte drejt dështimit, por në momentin që u shkëput nga kjo Lëvizje ai u kthye edhe njëherë si triumfues në këtë parlament”, ka deklaruar Musliu.
