Pothuajse për asnjë vit fermerët dhe bujqit kosovarë nuk mund t’u shpëtojnë dëmeve, të cilat u shkaktohen nga fatkeqësitë e ndryshme natyrore.
Ata tash e një kohë të gjatë kërkojnë që t’u krijohet mundësia e sistemit të sigurimeve të produkteve bujqësore, në mënyrë që t’u kompensohen mjetet, raporton KTV.
Pikërisht realizimin e një sistemi të tillë të agro-sigurimeve, Ministria e Bujqësisë po planifikon që brenda këtij viti ta nisë së aplikuari.
Sipas kësaj ministrie, sigurimi i produkteve bujqësore është një mundësi e mirë dhe më e qëndrueshme sesa fondi prej 500 mijë euro që e ka kjo ministri për kompensimin e
dëmeve.
Javën e ardhshme, kjo ministri do të nënshkruajë edhe një marrëveshje me Bankën Botërore lidhur me këtë çështje.
Ndërsa janë 12 kompani të sigurimeve, të cilat tashmë kanë paraqitur produktet e tyre të këtyre sigurimeve.
Nga ana tjetër, bujqit dhe fermerët e kanë mirëpritur një iniciativë të tillë, pasi sipas
tyre, sigurimet bujqësore janë një siguri më e madhe për ta.
Në fillim të këtij procesi, Ministria pritet që t’i ndihmojë fermerët me anë të premiumeve, ndërsa shpresojnë që edhe komunat do të japin kontributin e tyre.
