Trajneri i Romës, Gian Piero Gasperini, ka pranuar se sulmuesi Evan Ferguson po kalon një periudhë të vështirë psikologjike pas dëmtimit të fundit në kyçin e këmbës.
Sipas Gasperinit, bëhet fjalë për ndrydhjen e katërt, ndërsa lojtari vazhdon të ketë probleme serioze sa herë ndërron drejtim. Trajneri zbuloi se lëndimi i fundit ndodhi në mënyrë të pazakontë, teksa Ferguson po përpiqej të shmangte një fotograf.
“Ai është shumë i dëshpëruar dhe po mundohemi ta ndihmojmë të rikuperohet,” u shpreh Gasperini.
Sulmuesi irlandez ka vuajtur dëmtime të shpeshta gjatë viteve të fundit, çka ka penguar vazhdimësinë e tij në fushë. /GazetaExpress
