35 vjet më parë, trashësia e borës në Kosovë kishte arritur në 100 cm, derisa për pesë ditë rresht ishin regjistruar temperatura të ulëta nën -20C, raporton Express.
Prishtina Weather ka publikuar disa raportime dhe fotografi të publikuara në gazetën Rilindja gjatë atij muaji, ku sipas raportimit të gazetës më 14 janar 1985, Prishtina cilësohej si vendi më i ftohtë në Europë.
Sipas matjeve, trashësia e borës kishte arritur deri në rreth 100 cm.
“Pikërisht para 35 vjeteve, në pjesën e parë të muajit janar, mbi vendin tonë, rajon dhe disa pjesë të Europës një stuhi polare solli acar dhe reshje të mëdha të borës. Më 13 janar 1985 u regjistruan edhe disa nga temperaturat më të ulëta në vend”, thuhet në postim. /Gazeta Express