Sulmuesi i Kombëtares, Eros Grezda, u përfshi në një sherr me grushta sulmuesin Antonio Mirko Çolak, në parkingun e stadiumit, ku qëndronin autobusat e të dyja skuadrave, pas ndeshjes Osijek – Rijeka.
Ky lajm ka bërë një bujë të madhe në mediat kroate, të cilat kanë publikuar së fundmi edhe videon e momentit kur shqiptari përplaset me futbollistin kroat. Pamjet janë marrë nga kamerat e sigurisë të parkingut ku ndodhi përplasja.
Në rrëfimin e tij pas incidentit pas ndeshjes Grezda tregoi se Çolak e ka fyer në ndjenja personale dhe kombëtare gjatë takimit, i cili ishte ishte tepër i nxehtë për 90 minuta. Nga pamjet duket qartë që ka pasur një provokim nga ana e futbollistit të Rijekës, teksa shqiptari e ka goditur me të parën me grusht. Pas këtij momenti, menjëherë u mblodh një turmë njerzish për të ndarë 2 futbollistët.
- Advertisement -
