Kryeministri Ramush Haradinaj ka bërë të ditur se të hënën ka emëruar Dijana Ziviq, për ministre të Bujqësisë.
“Kam emëruar sot ministre të Bujqësisë, Pylltarisë dhe Zhvillimit Rural, Dijana Ziviq. Ministres së re i dëshirova suksese në detyrën e saj dhe e sigurova për mbështetjen time të plotë, në shërbim të qytetarëve të Republikës së Kosovës dhe përmbushjen e objektivave të këtij dikasteri qeverisës”, ka bërë të ditur kryeministri Haradinaj, në profilin e tij në Facebook.
Ziviq pason vendin e Nenad Rikalos, i cili u shkarkua në fillim të muajit shkurt si kusht i PSD-së për votën për buxhet.
