- Advertisement -
Kryeministri i Kosovës, Ramush Haradinaj ka marrë vendim për emërimin edhe të një zëvendësministri. E, këtë pozitë tashmë e ka Idriz Selimaj, i cili që nga dita e djeshme zyrtarisht është zëvendësministër i Infrastrukturës, shkruan Ndërtimi.info.
Sipas vendimit të marrë nga kryeministri, të cilin e ka siguruar Ndërtimi.info, zëvendësministri, në këtë rast Idriz Selimaj është i obliguar që të bëjë deklarimin e pasurisë në afatin kohor prej 30 ditësh nga hyrja në fuqi e vendimit.
Ndërkaq, deri tani në Qeverinë e Kosovës numri i zëvendësministrave ka arritur mbi 60, që shënon edhe numrin më të madh të tyre që ka pasur Kosova ndonjëherë.
- Advertisement -
