Policia e Kosovës ka realizuar sot ekstradimin e një shtetasi shqiptar nga Republika e Shqipërisë për në Kosovë, i cili kërkohej me urdhërarrest ndërkombëtar nga institucionet e drejtësisë së Kosovës.
Sipas njoftimit, ekstradimi është kryer nga Drejtoria për Bashkëpunim Ndërkombëtar Policor, në koordinim me njësitë relevante të Policisë së Kosovës dhe institucionet e drejtësisë, pas arrestimit të të dyshuarit nga autoritetet shqiptare, transmeton lajmi.net.
I dyshuari kërkohej për veprat penale “Kultivim i narkotikëve” si dhe “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”, pasi i njëjti dyshohet se i ishte shmangur drejtësisë.
Pas përfundimit të procedurave të ekstradimit, i dyshuari i është dorëzuar njësive përkatëse të Policisë së Kosovës për vazhdimin e procedurave ligjore./lajmi.net/
