Futbollisti i Arabisë Saudite Salem Aldawsari e ka shënuar golin e fitores ndaj Egjiptit në minutën e 95-të, por mënyra e festimit të tij ka qenë e papritur e ndoshta edhe “provokuese”. Mediet serbe janë marrë edhe me festimin e tij, por që nuk e kanë zbuluar arsyen pse veproi ashtu.
Pas golit të shënuar ai ka festuar duke bërë shqiponjën me duar, ashtu siç bënë Xhaka e Shaqiri.
Në rrjetet sociale menjëherë kanë filluar spekulimet nëse është e mundur që ai të përkrahë dy futbollistët shqiptarë të Zvicrës, ndërsa ka pasur edhe të tillë që shkruajnë se ai e ka bërë “shqiponjën arabe” që është simbol edhe i kombëtares së tyre.
- Advertisement -
