Kryetari Partisë Socialdemokrate, Shpend Ahmeti ka folur për rrëzimin e Qeverisë Haradinaj.
Ai në emisionin Debat Plus në RTV Dukagjini ka theksuar se partia e tij është e gatshme për ta rrëzuar qeverinë Haradinaj.
Sipas tij, edhe partia në pushtet, Nisma për Kosovën nuk ka më interes të qëndroj në këtë parti.
“Nisma nuk ka më interes të jetë në këtë qeveri”, tha ai, raporton Gazeta Blic.
Sipas tij, PDK nuk është e gatshme të shkoj në zgjedhje të reja, sepse, sic shprehet ai, moti do të rrëzohej kjo qeveri.
“PDK do të vepronte, sic kishte rrëzur dy qeveritë e kaluara”, tha ai.
Ahmeti thotë se as AAK nuk është e gatshme për zgjedhje të reja.
“AAK nuk ka interes që të shkoj ne zgjedhje të reja, sepse e ka postin e kryeministrit, që e ka pasur edhe synim”, tha ai, raporton Gazeta Blic.
Ai tha se nuk është i gatshëm që ta rrëzoj këtë qeveri, nëse do të kishte në të ardhmen koalicion PDK- AAK. Ai ka shtur se synimi është që PDK me cdo kush të kaloj në opozitë.
