Dy të moshuar gjermanë ikën nga Shtëpia e të moshuarve duke vënë në alarm gjithë stafin e autoritetet vendase.
Stafi në Shtëpine Pleqve dha alarmin pasi dy të moshuarit u zhdukën të premten mbrëma.
Pas një kërkimi të gjatë, policia gjeti dy të moshuarit në orën 3 të mëngjesit në bazën e Wacken Open Air, vend ku mbahet festivali më i madh i muzikës metalika (heavy metal) në botë.
Dy të moshuarit refuzuan të iknin nga festivali. Ata u detyruan të merrnin taksinë dhe të percilleshin në Shtëpinë e Pleqve me një patrullë policie.
Festivali Waken Open Air tërheq më shumë se 75,000 njerëz çdo vit.
Këtë vit organizatorët sajuan një tub prej 7 km për të ofruar mijëra litra birrë e për të shmangur kështu nevojën për kamiona birre.
