Të gjithëve na pëlqen shumë festimi i mirë pas fitores, dhe luftëtari i UFC-së Johnny Walker e di këtë.
I etur për ta zgjatur argëtimin përtej 36 sekondave që iu deshën për ta mposhtur Misha Cirkunovin në meçin e kategorisë së lehtë në UFC në La s Vegas, braziliani Walker u përpoq ta bëjë vallëzimin e ‘krimbit’, transmeton Gazeta Express.
Por ai dështoi mjerisht duke u rrëzuar keq dhe si pasojë e nxori krahun.
“Nëse mund t’i mbijetoj vetes, mund t’i mbijetoj çdokujt tjetër”, bëri shaka 26-vjeçari i turpëruar pas incidentit.
Numri 14 i botës, i cili i fitoi dy meçet e tij të fundit me nokaute të shpejta, e mposhti Cirkunovin me një goditje të paparë me gju.
“Unë e ushtroj çdo lëvizje mijëra dhe mijëra herë dhe më duhet të jem i përkryer”, tha ai. /Gazeta Express/
https://www.youtube.com/watch?v=LOP8E6W6tk4
- Advertisement -
