Një aksident i ndodhur mbrëmë në magjistralen Istog-Pejë, përkatësisht në fshatin Baicë ka bërë që tri femra të humbasin jetën. Ngjarja ka ndodhur rreth orës 23:00 ku dy vetura të tipit BMW dhe VOLVO janë përplasur mes vete. Viktimat janë tri femra, njëra nga to e mitur.
Indeksonline ka siguruar fotografitë e tri femrave që humbën jetën, dy prej të cilave në vend, kurse viktima e tretë ka ndërruar jetë në QKUK.
Sipas të dhënave preliminare dyshohet se aksidenti ka ndodhur derisa ngasësi i veturës BMW ishte duke qarkulluar nga Istogu në drejtim të Pejës dhe me të arritur në fshatin Baicë duke mos iu përshtatur kushteve të rrugës si dhe shpejtësisë për një moment humb kontrollin mbi automjet dhe godet veturën VOLVO në pjesën ballore i cili ishte duke qarkulluar në rrugën Pejë- Istog.
