Partia Demokratike (PD), të enjten i është rikthyer akuzave ndaj kryeministrit Edi Rama për burimin e të ardhurave të 80 mijë dollarëve për foton me presidentin Amerikan Barak Obama.
Në një dalje për mediat, Sekretarja për Marrëdhëniet me Publikun, Grida Duma tha se kryeministri vazhdon të heshtë për paratë e pista, me të cilat siguroi këtë foto.
“Edi Rama bën vazhdimisht paradë arrogante me foto të ditës, por ai ende nuk po jep një shpjegim publik, për foton e tij të jetës, atë me presidentin Oabama, për të cilën pagoi 80 mijë dollarë, duke financuar një krim të rëndë federal. Dy vetë në Amerikë presin burgun dhe gjobën për krimin e kryer, futjen e parave nga një burim i huaj”, tha Duma.
Ajo theksoi se ai mund të heshtë për këtë fakt, mund të fshehë burimin e 80 mijë dollarëve, por shqiptarët e kanë kuptuar se Shqipëria është më mirë pa Edi Ramën. /Telegrafi/
