Në fshatin Cercë të Komunës së Istogut lindi dhe u rrit Presidenti historik dr. Ibrahim Rugova. E, për fëmijërinë e tij dhe detaje të tjera, flasin kushërinjtë, fqinjët dhe shoku i klasës së presidentit Rugova.
Në reportazhin e transmetuar në RTV Dukagjini , shihet se fshati i lindjes së arkitektit të themelimit të shtetit të Kosovës ka ndryshuar shumë, që nga koha kur aty lindi dhe u rrit Ibrahim Rugova.
Enver Rugova, djali i axhës së Ibrahim Rugovës, tregon truallin e shtëpisë ku kishte lindur Ibrahim Rugova.
Ai tregon vetëm pesë javë pas lindjes së Ibrahim Rugovës, serbët ia morën babën Ukën dhe gjyshin dhe prej atëherë nuk dihet për fatin e tyre, përcjell Telegrafi.
Megjithëse nuk ekziston shtëpia ku u lind Ibrahim Rugova, Enveri tregon drurin që e kishte mbjellur Rugova qysh në moshën 15-vjeçare.
Ai thotë se në këtë vend vijnë turist të shumtë për ta vizituar truallin ku u lind Ibrahim Rugova.
Ndërsa, shoku i klasës së Ibrahim Rugovës, Adem Hasanaj tregon për fëmijërinë e tyre. Ai thotë së Ibrahimi ishte më i zgjuari, më edukuari dhe se dallohej në mësime. /Telegrafi/
Për më tepër ndiqeni reportazhin e RTV Dukagjini:
